İrandan mühacirət edənlərin sayı əvvəlki illərlə müqayisədə 1,5 dəfə artıb

İrandan mühacirət edənlərin sayı əvvəlki illərlə müqayisədə 1,5 dəfə artıb.

"Report" xəbər verir ki, bu barədə "Donya Ehtaz" agentliyi məlumat yayıb.

Bildirilib ki, hesabat dövründə ölkədən gedənlərin üstünlük təşkil etdiyi vurğulanıb.

"Qotbnama"nın məlumatına görə, İran vətəndaşları ölkədə sosial rifahın azalması, iqtisadi sabitliyin, əsas azadlıqların olmaması, sosial-iqtisadi vəziyyətin gündən-günə ağırlaşması, internet rersurslarından sərbəst istifadənin məhdudlaşdırılması və digər səbəblərdən mühacirət edirlər.

Qeyd edilib ki, hazırda İran böyük miqrasiya dalğası astanasındadır. Məlumata görə, ötən il ən çox Kanadaya mühacirət (ümumi mühacirətin 77 faizi) edilib. İranı tərk edən ölkə vətəndaşlarının 11 faizi ABŞ-a, 2,5 faizi isə Böyük Britaniyaya sığınmağa üstünlük verib.