Ötən il Azərbaycanda pornoqrafik materialları, əşyaları qanunsuz yaymağa görə 5 fakt aşkarlanıb

Azərbaycanda pornoqrafik materialları və ya əşyaları qanunsuz yayma faktı ilə bağlı aşkarlanan cinayətlərin statistik məlumatları açıqlanıb.

"Birxeber"un xəbərinə görə, bu, Azərbaycanın İnsan alverinə qarşı mübarizə üzrə Milli Koordinatorunun 2021-ci il üzrə illik məlumatında əksini tapıb.

Qeyd edilib ki, 2021-ci ildə ölkədə pornoqrafik materialları və ya əşyaları qanunsuz yaymaya görə 5 fakt aşkar edilib.

Xatırladaq ki, Azərbaycanın İnsan alverinə qarşı mübarizə üzrə Milli Koordinatorunun 2021-ci il üzrə illik məlumatı Milli Məclisin Hüquq siyasəti və dövlət quruculuğu və İnsan hüquqları komitələrinin sabah- aprelin 29-da keçiriləcək birgə iclasında müzakirəyə çıxarılacaq.