ABŞ və Çinin hərbi liderləri təhlükəsizlik dialoqunu bərpa ediblər

ABŞ və Çin hərbi liderləri təxminən iki ildən sonra ilk dəfə hava, dəniz təhlükəsizliyi ilə bağlı danışıqlar aparıblar.

"Birxeber.Az"un məlumatına görə, bu barədə "Associated Press" xəbər yayıb.

Agentliyin məlumatına görə, görüşlər çərşənbə və cümə axşamı günləri Havayda təmasların qurulması və tərəflər arasında gərginliyin azaldılması prosesi çərçivəsində baş tutub.

Dəniz təhlükəsizliyi toplantısında ABŞ və Çin hərbçilərinin iştirakı ilə potensial təhlükəli insidentlər məsələsi müzakirə olunub. Görüşdə hər iki tərəfdən 20-yə yaxın yüksək rütbəli hərbçi və mülki şəxs iştirak edib.

Məlumata görə, nümayəndə heyətlərinin tərkibinə ABŞ-nin Hind-Sakit Okean Komandanlığının, Hərbi Dəniz Qüvvələrinin Sakit Okean Donanmasının, Sakit Okean Hərbi Hava Qüvvələrinin və Çin Xalq Azadlıq Ordusunun nümayəndələri daxildir.