"Qarabağ" klubu azarkeşləri "Neftçi"nin futbolçularını təhqir etdiyi üçün cərimələnib
https://birxeber.az//uploads/photo/qaraba-klubu-azarkelri-neftinin-futbolularn-thqir-etdiyi-n-crimlnib.webp
AFFA İntizam Komitəsi "Qarabağ" klubunu 1000 manat cərimələyib.
"Birxeber.Az" xəbər verir ki, buna Ağdam təmsilçisinin azarkeşlərinin "Neftçi" ilə Azərbaycan Kubokunun yarımfinal mərhələsinin ilk oyununda rəqib futbolçuları təhqir etməsi səbəb olub.
Qarşılaşma bitdikdən sonra meydana kənar şəxslər daxil olduğu üçün paytaxt klubu 800 manat ödəyəcək. Bundan əlavə, "ağ-qaralar" 4 oyunçunun sarı vərəqə almasına görə 700 manat ödəyəcək.
Qeyd edək ki, matç "Qarabağ"ın 4:0 hesablı qələbəsi ilə bitib.
