Blinken: “Ukrayna NATO üzvü olacaq”

Ukrayna NATO-ya üzv olacaq, zirvə toplantısında məqsədimiz onun alyansa daxil olması üçün körpünün qurulmasına kömək etməkdir.

APA “DW” telekanalına istinadən xəbər verir ki, bunu Entoni Blinken Brüsseldə alyansın yaranmasının 75-ci ildönümündə jurnalistlərə açıqlamasında deyib.

Onun sözlərinə görə, bu məsələ iyulda Vaşinqtonda keçiriləcək sammitdə müzakirə olunacaq. ABŞ Dövlət Departamentinin rəhbəri həmçinin vurğulayıb ki, NATO üzvü olan ölkələrin Ukraynaya dəstəyi “qaya kimi möhkəm” olaraq qalır.