Stoltenberq Gürcüstanın xarici agentlərlə bağlı qanun layihəsinə yenidən baxmaq niyyətini tənqid edib

NATO-nun Baş katibi Yens Stoltenberq Gürcüstan hakimiyyətinin xarici agentlər haqqında qanun layihəsini parlamentə yenidən təqdim etmək niyyətini tənqid edib.

Birxeber.Az xəbər verir ki, Stoltenberq bu barədə alyans ölkələrinin xarici işlər nazirlərinin Brüsseldə keçirilən görüşündən sonra danışıb.

Onun fikrincə, bu, Gürcüstanda demokratik təsisatların güclənməsinə mane olur.

“Gürcüstan NATO və Aİ ilə yaxınlaşmaq üçün islahatlar üzərində işləməlidir”, - Stoltenberq vurğulayıb.

Stoltenberq bildirib ki, qanun Gürcüstanda media azadlığına zərər verə bilər.