ABŞ institutu: Ukrayna ordusunda silah-sursat çatışmazlığı var

Qərbin dəstəyi Ukrayna üçün həlledici amildir.

“Birxeber.Az” xəbər verir ki, bu barədə ABŞ-nin Müharibə Araşdırmaları İnstitutunun son hesabatında qeyd olunub.

Qeyd olunub ki, Qərbin silah-sursat təminatı Ukrayna ordusunun döyüş gücünü bərpa etməsi və gücləndirməsi üçün mühüm faktordur.

Bildirilib ki, hazırda Ukrayna ordusunda silah-sursat çatışmazlığı var: “Ona görə də Ukrayna ordusu silah-sursata qənaət etməyə və əsas diqqəti cəbhənin kritik istiqamətlərinə yönəltməyə çalışır. Ukraynanın məhdudiyyətləri Rusiya qüvvələrinə hücum əməliyyatlarını daha çevik yerinə yetirməyə şərait yaradır. Bu isə Rusiya qüvvələrinin gələcəkdə daha əhəmiyyətli qazanclar əldə etməsinə səbəb ola bilər”.

Xatırladaq ki, Rusiya ilə Ukrayna arasında müharibə 2022-ci il fevralın 24-də başlayıb. Ukrayna Prezidenti Volodimir Zelenski daha əvvəl bildirib ki, Qərb dəstəyi dayandırsa, ölkəsi geri çəkiləcək. ABŞ hələ ki Ukraynaya yardımı dayandırıb. Bundan əvvəl xarici KİV-lər yazmışdı ki, ABŞ Ukraynadan hücumdan müdafiə strategiyasına keçməyi tələb edir.

ABŞ dövlət katibi Antoni Blinken daha əvvəl Ukraynanın çətin vəziyyətdə olduğunu açıqlayıb. Türkiyənin xarici işlər naziri Hakan Fidan isə bildirib ki, Rusiya ilə Ukrayna arasında sülhün vaxtı çatıb. V.Zelenski daha əvvəl qeyd edib ki, atəşkəs həm Ukrayna, həm də Şərqi Avropa üçün ciddi təhlükə yaradacaq. NATO hərbi komitəsinin rəhbəri, admiral Rob Bauer bundan əvvəl Rusiya ilə müharibəyə hazır olduqlarını söyləyib. Kreml sözçüsü Dmitri Peskov daha əvvəl Rusiyanın de-fakto müharibə şəraitində olduğunu bildirib. V.Zelenski daha əvvəl Rusiyanın əks-hücum əməliyyatlarına hazırlanacağı barədə xəbərdarlıq edib. Ukrayna Prezident Ofisinin müşaviri Mixaylo Podolyak daha əvvəl bildirib ki, müharibənin yalnız hərbi yolla həlli var.