FIFA Serbiya milli komandasını cəzalandırıb

FIFA Serbiya milli komandasını cəzalandırıb.

"Report" ali futbol qurumunun rəsmi saytına istinadən xəbər verir ki, buna fanatların və yığma üzvlərinin Qətərdə keçirilən dünya çempionatında İsveçrəyə 2:3 hesabı ilə uduzduqları qrup mərhələsinin III tur oyunundakı nalayiq hərəkətləri səbəb olub.

Qərara əsasən, serblərin qarşıdakı ev matçında azarkeş məhdudiyyəti (25 faiz) tətbiq ediləcək. Həmçinin Serbiya Futbol İttifaqı 50 000 İsveçrə frankı məbləğində cərimələnib.

Qeyd edək ki, FIFA daha əvvəl mundialda Braziliya ilə oyundan (0:2) sonrakı siyasi qalmaqala görə Serbiya millisinə sanksiya tətbiq edib.