Rusiya pasportu alan Ukrayna vətəndaşlarının sayı açıqlanıb
https://birxeber.az//uploads/photo/rusiya-pasportu-alan-ukrayna-vtndalarnn-say-aqlanb.webp
Donbass və Novorossiyanın (Ukraynanın Rusiyanın nəzarəti altında olan Donetsk, Luqansk vilayətləri - red) 3,2 milyondan çox sakini Rusiya pasportu alıb.
APA-nın Moskva müxbiri xəbər verir ki, bunu Rusiya prezidenti Vladimir Putin Daxili İşlər Nazirliyinin geniş kollegiya iclasında bildirib.
O, Donbass və Novorossiyada Daxili İşlər Nazirliyinin ən mühüm vəzifələri arasında vətəndaşların cinayət təhdidlərindən qorunmasını və hakimiyyət orqanlarının normal fəaliyyətinin təmin edilməsini qeyd edib.
Putin vurğulayıb ki, Donbassda pasportlar verilərkən Daxili İşlər Nazirliyi diversantların və neonasist tərəfdaşlarının leqallaşdırılmasının qarşısını almalıdır.
