Rusiyada xarici agent kimi tanınan şəxslər üçün yeni məhdudiyyətlər nəzərdə tutulur

Rusiyada adları xarici agentlərin siyahısında olan şəxslərin seçkilərdə iştirakına qadağa qoyulması təklif edilir.

Birxeber.Az-nın “RBC”ya istinadən xəbərinə görə, müvafiq qanun layihəsini “Ədalətli Rusiya” fraksiyasından olan deputatlar təqdim edib.

Layihədə bu məhdudiyyətin həm regional, həm də ölkə miqyaslı istənilən seçki prosesinə aid edilməsi nəzərdə tutulur.

Qanunun daha bir müddəasına əsasən, adları bu siyahıda yer alan şəxslər hakimiyyət və bələdiyyə orqanlarında vəzifə tutmaq, o cümlədən seçki komissiyalarının üzvü olmaq hüququndan da məhrum ediləcək.

Qeyd edək ki, bu siyahıya xarici ölkələrdə yaşamaqla, Ukraynadakı müharibənin əleyhinə çıxışlar edən, eləcə də bu ölkənin ordusuna maddi yardım göstərən şəxslər daxildir.

Fərid Azəri