AFFA-nın tərkibində olan qurumlara və akademiyalara ayrılmış vəsait açıqlanıb
https://birxeber.az//uploads/photo/affa-nn-trkibind-olan-qurumlara-v-akademiyalara-ayrlm-vsait-aqlanb.webp
2023-cü ildə AFFA-nın tərkibində olan federasiyaların, üzvlərin və akademiyaların saxlanılmasına ayrılan vəsaitlər müəyyənləşib.
"Birxeber.Az" xəbər verir ki, bu barədə milli assosiasiyanın hesabatında bildirilib.
12 quruma ümumilikdə 3 milyon 39 min 586 manat verilib.
Azərbaycan Futzal Federasiyasına 1 milyon 467 min manat, Futbolun İnkişaf Fonduna 331 min manat, "Turan Tovuz" Futbol Akademiyasına 287 min 354 manat, Regional Futbol Federasiyaları İctimai Birliyinə 286 min 103 manat, Uşaq və Gənclər Futbol Federasiyasına 185 min manat, Futbol Veteranları İttifaqına 167 min manat, Çimərlik Futbolu Federasiyasına 111 min 800 manat, Əlillər Futbol Federasiyasına 94 min 20 manat, Sahə Futbol Federasiyasına 48 min manat, İctimai Futbol Təşkilatları İctimai Birliyinə 38 min 600 manat, Tələbə Futbol Federasiyası 14 min 600 manat, İsgəndər Cavadov adına Akademiyaya 9 min manat vəsait ayrılıb.
