İlin ən yaxşı məşqçisi adına namizəd millidən gedib

Beynəlxalq Futbol Tarixi və Statistikaları Federasiyasının (IFFHS) versiyasına görə, 2022-ci ilin ən yaxşı milli komanda baş məşqçisi adına namizədlərdən olan Qustavo Alfaro Ekvador millisindən ayrılıb.

“Report” xəbər verir ki, yerli futbol federasiyası 60 yaşlı mütəxəssislə başa çatan müqaviləni yeniləməmək qərarına gəlib.

2020-ci ildə Ekvador yığmasının sükanı arxasına keçən argentinalı məşqçi komandanı Qətərdə baş tutan dünya çempionatına aparıb. Ekvador millisi DÇ-2022-nin qrup mərhələsində 4 xal toplasa da, növbəti raunda yüksələ bilməyib.