Tatarıstanda zavoda PUA-larla hücum olub

Tatarıstanın Alabuqa rayonundakı zavodlardan birinin ərazisinə 3 ədəd pilotsuz uçuş aparatı (PUA) ilə hücum olub.

Birxeber.Az-nın xəbərinə görə, ölən və ya xəsarət alanlar barədə məlumat verilməsə də, müəssisəyə ciddi ziyan dəyib.

Belə ki, nəticədə zavod ərazisindəki iki yataqxananın qapı və pəncərələri sındırılıb.

Qeyd edək ki, yerli hakimiyyət insidentlə bağlı hələlik rəsmi məlumat yaymayıb.