Sahil Babayev: Rumıniya konflikt dövründə Azərbaycanın ərazi bütövlüyünü dəstəkləyən ölkələrdən olub
Azərbaycan və Rumıniya strateji tərəfdaşlardır.
APA xəbər verir ki, bunu Azərbaycan və Rumıniya Hökumətləri arasında ticarət-iqtisadi əlaqələr və elmi-texniki əməkdaşlıq üzrə Müştərək Komissiyanın 8-ci iclasdan sonra keçirilən brifinqdə əmək və əhalinin sosial müdafiəsi naziri Sahil Babayev deyib.
O xatırladıb ki, Rumıniya konflikt dövründə də Azərbaycanın ərazi bütövlüyünü dəstəkləyən dövlətlərdən olub.
"Ümid edirəm, bu səfər tərəfdaşlığımızı genişləndirməyə töhfə verəcək. Biz müxtəlif sahələrdə Rumıniya ilə əlaqələrimizi genişləndirməyi planlaşdırırıq", - deyə nazir qeyd edib.