BMT əməkdaşları Cənubi Sudanda qətlə yetirilib
https://birxeber.az//uploads/photo/bmt-emekdashlari-cenubi-sudanda-qetle-yetirilib.webp
Cənubi Sudanda silahlıların hücumları nəticəsində BMT-nin azı 3 humanitar işçisi və 11 mülki şəxs həlak olub.
“Birxeber.Az” xəbər verir ki, bu barədə “Agence France-Presse” (AFP) Birləşmiş Millətlər Təşkilatının (BMT) Humanitar Məsələlər üzrə Koordinasiya İdarəsinin məlumatına istinadən məlumat yayıb.
"Silahlı dəstələrin hücumları Abyey inzibati zonasında həyata keçirilib", - İdarənin Afrika ölkəsindəki missiyasının rəhbəri Peter Van der Auverart deyib.
O xatırladıb ki, 2022-ci ildə sərhəd bölgəsində BMT-nin 9 əməkdaşı həlak olub.
BMT-nin Humanitar Məsələlər üzrə Koordinasiya İdarəsi hakimiyyəti öz şəxsi heyətinin və mülki şəxslərin müdafiəsini artırmağa çağırıb.
