Azərbaycan və Türkiyənin XİN başçıları regiondakı vəziyyəti müzakirə ediblər
https://birxeber.az//uploads/photo/azerbaycan-ve-turkiyenin-xin-bashchilari-regiondaki-veziyyeti-muzakire-edibler.webp
Yanvarın 11-də Azərbaycanın xarici işlər naziri Ceyhun Bayramov ilə Türkiyənin xarici işlər naziri Mövlud Çavuşoğlu arasında telefon danışığı olub.
Bu barədə "Report"a Azərbaycan XİN-dən məlumat verilib.
Xarici işlər nazirləri Azərbaycanla Türkiyə arasında ikitərəfli və regional əməkdaşlıq gündəliyinin aktual məsələlərini müzakirə ediblər.
Nazirlər həmçinin çoxtərəfli platformalarda əməkdaşlıq, habelə qarşılıqlı maraq doğuran digər məsələlər ətrafında fikir mübadiləsi aparıblar.
