İsrail İordan çayının qərb sahilində reydlər keçirib

İsrail qüvvələri İordan çayının qərb sahilindəki qəsəbə və kəndlərə reydlər keçirib.

“Report” xəbər verir ki, bu barədə “Əl-Cəzirə” telekanalı məlumat yayıb.

Bildirilib ki, Kalkiliya şəhərində silahlı toqquşmalar baş verib. İsrail təhlükəsizlik qüvvələri Nablusun şərqindəki Beyt Furik qəsəbəsində silahdan istifadə edib. Reydlər Cenin və Ramallah ətraflarında da keçirilib.