Suriyanın şimalında terror aktı nəticəsində 10 nəfər ölüb

Suriyanın şimalında, Türkiyə ilə sərhəddən 10 km aralıda yerləşən Aazaz şəhərində bazar meydanında bomba yüklü avtomobilin partladılması nəticəsində azı 10 nəfər ölüb.

"Birxeber.Az"un "Al Mayadeen" telekanalına istinadən verdiyi məlumata görə, xilasedicilərin dağıntıları təmizləməyə davam etdiyini nəzərə alsaq, ölənlərin, o cümlədən mülki şəxslərin sayı arta bilər. Yanğınsöndürmə briqadaları hadisə yerindədir.

Hadisədə 23 nəfər yaralanıb, onlar yerli xəstəxanaya yerləşdirilib.