"Real"ın oyunçusu La Liqada mart ayının ən yaxşısı seçilib

İspaniyanın "Real" klubunun futbolçusu Vinisius Junior La Liqada mart ayının ən yaxşı futbolçusu seçilib.

"Birxeber.Az" xəbər verir ki, 23 yaşlı braziliyalı martda keçirdiyi 3 oyunda 5 qol vurub və 1 məhsuldar ötürmə edib.

Vinisiusun mükafat uğrunda rəqibləri “Barselona”nın hücumçusu Robert Levandovski, “Real Sosyedad”ın yarımmüdafiəçisi Bris Mendes, “Vilyarreal”ın hücumçusu Aleksandr Serlot və “Atletik”in futbolçusu Qorka Qoroseta olub.

Qeyd edək ki, Vinisius Junior bu mövsüm bütün turnirlər daxil olmaqla 28 oyunda 18 qol və 8 məhsuldar ötürməyə imza atıb.