“Hizbullah” İsraili İran istehsalı olan raketlərlə atəşə tutub

Livandakı “Hizbullah” silahlı-siyasi qruplaşma İran istehsalı olan “Falag” və “Burkan” raketləri ilə İsrail ərazisini atəşə tutub.

“Report” “TRTHaber”ə istinadən xəbər verir ki, bu barədə “Hizbullah” məlumat yayıb.

Bildirilib ki, 2023-cü il oktyabrın 8-dən İsrail Müdafiə Ordusu ilə silahlı-siyasi qruplaşma arasında davam edən qarşıdurma nəticəsində “Hizbullah”ın 262 üzvü, 53 livanlı dinc sakin, İsrailin isə 7 mülki sakini və 11 hərbçisi ölüb.