Azərbaycan İstanbulda keçiriləcək beynəlxalq qida məhsulları və texnologiyaları sərgisinə qatılacaq

Azərbaycan İstanbulda keçiriləcək beynəlxalq qida məhsulları və texnologiyaları sərgisinə qatılacaq

Azərbaycan aprelin 24-27-də Türkiyənin İstanbul şəhərində keçiriləcək Beynəlxalq Çörək, Xəmir Maşınları, Dondurma, Şokolad və Texnologiyalar Sərgisində (IBAKTECH 14) iştirak edəcək.

“Report” bu barədə xarici mətbuata istinadən xəbər verir.

Məlumata görə, Türkiyənin Ticarət Nazirliyi və digər qabaqcıl təşkilatlarının dəstəklədiyi sərgidə 4 milyard avroluq ticarət hədəflənir.

“IBAKTECH” Türkiyə, Almaniya, Azərbaycan, İtaliya, Fransa, Sloveniya, Ukrayna, Çin, İran, Livan və Suriyadan 300-dən çox iştirakçı və 500-dən çox brendə ev sahibliyi edəcək.

Ötən illərdə “IBAKTECH”Avropa, Afrika və Yaxın Şərq regionlarından, 115 ölkədən 80 mindən çox peşəkar ziyarətçiyə ev sahibliyi edib. Bu sərgi qida sektorunda dünyanın ikinci böyük sərgisidir.