“Crocus”da öldürülən Rostov sakinlərinin ailələrinə bir milyon rubl ödənəcək

Rusiyanın Rostov vilayətinin qubernatoru Vasili Qolubev “Crocus”da həlak olan bölgə sakinlərinin ailələrinə 1 milyon rubl verəcəyini bildirib.

Birxeber.Az xəbər verir ki, müvafiq məlumat məmurun “Telegram” kanalında yer alıb.

“Başa düşürəm ki, heç bir pul vahidi doğma bir insanın həyatını və sağlamlığını qaytarmayacaq. Bir daha həlak olan həmvətənlərin yaxınlarına dərin hüznlə başsağlığı verirəm. Biz bələdiyyələrlə birlikdə lazımi təşkilati yardımı göstərməyə hazırıq”, - deyə Qolubev qeyd edib.