Türkiyə Qəzzada böhran başlayandan bəri İsraillə hərbi əməkdaşlığı dayandırıb

Türkiyə Milli Müdafiə Nazirliyi Qəzza zolağında vəziyyətin kəskin pisləşdiyi 7 oktyabr 2023-cü ildən sonra İsraillə hərbi əməkdaşlığı davam etdirmir.

“Birxeber.Az” xəbər verir ki, bu barədə məlumat nazirliyin rəsmi “X” səhifəsində paylaşım edilib.

Qeyd olunub ki, Türkiyə Milli Müdafiə Nazirliyi İsraillə təlim və müdafiə sənayesi daxil olmaqla heç bir hərbi sahədə əməkdaşlıq etmir.

Vurğulanıb ki, Türkiyə fələstinlilərə zərər verə biləcək heç bir fəaliyyət həyata keçirə bilməz.