“Gazprom”un xalis mənfəəti 7 % azalıb
https://birxeber.az//uploads/photo/gazpromun-xalis-mnfti-7-azalb.webp
Rusiyanın “Gazprom” enerji şirkəti 2023-cü ili 695,57 milyard rubl (təxminən 7,5 milyard ABŞ dolları) xalis mənfəətlə başa vurub.
“Birxeber.Az” xarici mətbuata istinadən xəbər verir ki, bu, 2022-ci illə müqayisədə 6,9 % azdır.
Ötən il “Gazprom”un gəlirləri 29,6 % azalaraq 5,62 trilyon rubla (60,64 milyard ABŞ dolları), ümumi mənfəəti 60 % azalaraq 1,27 trilyon rubla (13,7 milyard ABŞ dolları), vergidən əvvəlki mənfəəti 784,59 milyard rubla (8,466 milyard ABŞ dolları) enib.
Təkcə ötən ilin IV rübündə şirkətin debitor borcları 2,595 trilyon rubl (28 milyard ABŞ dolları; illik müqayisədə 10,5 % az), kreditor borcları isə 1,324 trilyon rubl (14,286 milyard ABŞ dolları; 4,7 % çox) təşkil edib.
2023-cü ildə Rusiya “Sibir Gücü” (Sila Sibiri) vasitəsi ilə Çinə qaz tədarükünü 50 % artıraraq 22,7 milyard kubmetrə çatdırıb ki, bu da, müqavilə öhdəliklərindən 700 milyon kubmetr çoxdur.
Ötən ilin I yarısında “Gazprom” qaz hasilatını 25 % azaldaraq 179,45 milyard kubmetrə endirib. Şirkət bunu “bir sıra ölkələrdə Rusiya qazının idxalından imtinaya yönəlmiş siyasi motivli qərarların qəbulu” ilə izah edib.
