Rəis: "İstismar müddəti bitən atraksionların təkrar yoxlanışını sahibkar aparılmalıdır"

"Parklarda və əyləncə mərkəzlərdə olan istismar müddəti bitmiş atraksionların təkrar yoxlamalardan keçməsini mütləq sahibkar aparılmalıdır".

"Birxeber.Az" xəbər verir ki, bunu Fövqəladə Hallar Nazirliyinin Sənayedə İşlərin Təhlükəsiz Görülməsi və Dağ- Mədən Nəzarəti Nəzarəti Dövlət Agentliyinin Qazan, qaldırıcı və energetika qurğularında işlərin təhlükəsizlik görülməsində nəzarət müfəttişliyinin rəisi Sahil Mənsimov jurnalistlər üçün keçirilən təlimdə deyib.

O bildirib ki, müfəttişlik tərəfindən parklarda və əyləncə mərkəzlərində atraksionlarla bağlı yoxlamalar aparılır: "Parklarda olan atraksionların bir çoxunun istismar müddəti bitir. Bu o demək deyil ki, həmin atraksion sökülür. Müəyyən yoxlamalar və müayinələr aparılır. Onun növbəti müddət üçün yararlı olub-olmadığı müəyyən edildikdən sonra yoxlamaların nəticəsindən asılı olaraq atraksionların faliyyətinə icazə verilir".

"Təhlükəsizliklə bağlı sertifakatlar alınandan sonra həmin atraksionların fəaliyyət göstərməsi məqsədəuyğun hesab edilir. Yoxlama zamanı atraksionla bağlı təhlükəli hal varsa, dərhal onun fəaliyyəti dayandırılır. Atraksionlar sahibkar tərəfindən də təhlükəsizlik cihazları gündəlik yoxlamalıdır. Tərəfimizdən diaqnostikalar aparılır. Ayda bir dəfə atraksionlar təhlükəsizliklə bağlı yük vurularaq yoxlanılmalıdır. Atraksionlarla bağlı müəyyən kurslar keçmiş operatorların olması və faliyyət göstərməsi vacibdir" - FHN rəsmisi əlavə edib.