Şəmkirdə zəncirvari qəza: iki ölü, üç yaralı var - YENİLƏNİB

Şəmkirdə zəncirvari qəza: iki ölü, üç yaralı var - YENİLƏNİB

Şəmkirdə baş verən ağır qəzada ölənlərin sayı artıb.

APA-nın yerli bürosunun məlumatına görə, hadisədə ölənlərin sayı ikiyə çatıb.

Qəza zamanı Rəsul Əhmədov ölüb.

Hadisədə 1996-ci il təvəllüdlü Həsənov İlham Yılmaz oğlu, 1998-ci il təvəllüdlü İmanov Seymur Nəcəf oğlu və 1966-cı il təvəllüdlü Əminə Əhmədov xəsarət alaraq xəstəxanaya yerləşdirilib.

***

Saat 22:16

Şəmkirdə ölümlə nəticələnən ağır yol qəzası baş verib.

APA-nın yerli bürosunun məlumatına görə, hadisə rayonun Yeni Həyat kəndində qeydə alınıb.

Hərəkətdə olan "VAZ 2106", "VAZ 2107" və digər avtomobil toqquşub.

Qəza zamanı 1990-ci il təvəllüdlü Əhmədov Elçin Elxan oğlu hadisə yerində ölüb.

1996-ci il təvəllüdlü Həsənov İlham Yılmaz oğlu, 1998-ci il təvəllüdlü İmanov Seymur Nəcəf oğlu və bir qadın xəsarət alaraq xəstəxanaya yerləşdirilib.

Hadisə yerinə polis əməkdaşları cəlb olunub.