Bərdədə sürücülük hüququ olmayan şəxs 69 yaşlı kişini vuraraq öldürüb

Bərdədə piyadanın ölümü ilə nəticələnən qəza baş verib.

Birxeber.Az-nın yerli bürosu xəbər verir ki, hadisə məcburi köçkün şəhərciyində qeydə alınıb.

1955-ci il təvəllüdlü Vahid Məmmədov yolu keçmək istəyərkən 2000-ci il təvəllüdlü Məmmədov Faiq Daşqın oğlu idarə etdiyi "VAZ 2105" markalı minik avtomobillə onu vurub.

Xəsarət alan şəxs xəstəxanaya çatdırılsa da həyatını xilas etmək mümkün olmayıb.

Qeyd edək ki, qəzanı törədən şəxsin sürücülük hüququ olmayıb.

Sürücü polis əməkdaşları tərəfindən saxlanılıb.

Daxili İşlər Nazirliyinin mətbuat xidmətinin Bərdə regional qrupunun baş inspektoru, polis kapitanı Aslan Qiyaslı faktı təsdiqləyib.

Bildirib ki, faktla bağlı cinayət işi başlanılıb, istintaq aparılır.