Baş prokuror cinayətlərin açılmasında əməkdaşlığa görə bir sıra qurumlara təşəkkür edib

Baş prokuror Kamran Əliyev ötən illərdən bağlı qalmış və hesabat ilində qeydə alınmış qeyri-aşkar cinayətlərin açılmasında, ictimai sabitliyin və təhlükəsizliyin təmin edilməsində Daxili İşlər Nazirliyi, Dövlət Təhlükəsizliyi Xidməti, Ədliyyə Nazirliyinin Penitensiar Xidməti və digər dövlət qurumlarının fəaliyyətini xüsusi qeyd edərək, göstərilən səmərəli və peşəkar əməkdaşlığa görə təşəkkürünü bildirib.

Baş Prokurorluqdan APA-ya verilən xəbərə görə, bunu Baş prokuror Kamran Əliyev 2023-cü ilin yekunlarına və qarşıda duran vəzifələrə həsr edilmiş geniş Kollegiya iclasında deyib.

Qeyd olunub ki, ölkəmizdə cinayətkarlığa qarşı mübarizənin gücləndirilməsi, ictimai-siyasi sabitliyin qorunması və insan hüquq və azadlıqlarının müdafiəsi sahəsində zəruri tədbirlərin həyata keçirilməsində aidiyyəti qurumlarla birgə fəaliyyət bundan sonra da uğurla davam etdiriləcək.