Mask: “Neuralink” çipli adam düşüncələrdən istifadə edərək “X”də paylaşım edib

İlon Maskın neyrotexnoloji şirkəti “Neuralink”in beyninə implant yerləşdirdiyi pasiyent Nolan Arbo düşüncə vasitəsilə “X”də paylaşım edib.

“Birxeber.Az” xəbər verir ki, bu barədə amerikalı milyarder sosial şəbəkədə bildirib.

“Sadəcə düşüncə vasitəsilə “Neuralink”in “Telepath” implantından istifadə edərək tarixdə ilk paylaşım”, – Mask qeyd edib.

“Tvitter məni bot hesab etdiyi üçün əngəlləyib, lakin “X” və İlon Mask məni bərpa ediblər, çünki mən beləyəm”, – Arbonun postunda yazılıb.

29 yaşlı Nolan Arbo təxminən səkkiz il əvvəl qəza nəticəsində iflic olduğunu və çiyinlərindən aşağı hiss etmədiyini bildirib. İndi həmin şəxs öz noutbukunun ekranında şahmat taxtasındakı kursoru düşüncə gücü ilə hərəkət etdirə, fiqurları yenidən düzə bilər.