İsveçrə İsveçdəki poliqonda raket sınaqları keçirir

NATO ilə əlaqələrini gücləndirməyi hədəfləyən İsveçrə hazırda İsveçdəki poliqonda “hava-hava” tipli raketlərin sınaq buraxılışlarını həyata keçirir.

“Birxeber.Az”un məlumatına görə, bu barədə İsveçrə hökuməti bildirib.

Hökumət əmin edib ki, bu tədbirlərin Şimali Atlantika Alyansının şimal zonasında davam edən hərbi təlimləri ilə heç bir əlaqəsi yoxdur.

“2018-ci ildə İsveçdə və 2021-ci ildə Şotlandiyadan sonra “hava-hava” tipli raketlərin yeni sınaq buraxılışları həyata keçirilir”, - hökumətin saytında yer alan bəyanatda deyilir. Sınaqlar 19 aprel 2024-cü ilə qədər davam edəcəkr.

Vidsel poliqonunda raketlərin sınaq buraxılışlarında Hərbi Hava Qüvvələrinin və RUAG dövlət müdafiə konserninin nümayəndələrinin iştirakı ilə bir qrup isveçrəli mütəxəssis iştirak edir.

"Müxtəlif ssenarilərə əsasən, uçan hədəflərə (dronlar) üç AIM-120 C-7 AMRAAM raketi atılır. Daha sonra uçuşlar və əməliyyatlar qiymətləndirilir.