Zaxarova: Moskva və İrəvan Rusiya kanallarının yayımı məsələsini müzakirə edir

Moskva və İrəvan Rusiya telekanallarının yayımı ilə bağlı məsələnin həllini müzakirə edirlər.

“Birxeber.Az” xəbər verir ki, bunu brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova deyib.

“Biz bu məsələ ilə bağlı Ermənistan tərəfi ilə əlaqə saxlayırıq, məsləhətləşmələr aparırıq, fikir mübadiləsi yekunlaşmayıb. Bu məsələ ilə bağlı İrəvanla sıx əlaqədəyik”, - o bildirib.

Zaxarovanın sözlərinə görə, birgə vəzifə bütün mövcud problemli məsələləri qarşılıqlı hörmət əsasında həll etməkdir: “Bu cür təmaslarda iştirak edən nümayəndələr məhz buna diqqət yetirməlidirlər. Ermənistan tərəfinin Rusiya kanallarının yayımını kəsə biləcəyini düşünmürəm".