Rusiya MSK: Prezident seçkilərində ölkə üzrə seçici fəallığı 74,22 % olub

Rusiyada prezident seçkilərində bülletenlərinin 26,10%-i hesablanıb.

Birxeber.Az-nın Moskva müxbiri xəbər verir ki, bu barədə Rusiya Mərkəzi Seçki Komissiyasının sədr müavini Nikolay Bulayev bildirib.

Onun sözlərinə görə, Rusiyada prezident seçkilərində ölkə üzrə seçici fəallığı 74,22% təşkil edib.

Qeyd edək ki, bu seçkilərdə fəallıq rekord səviyyədə olub.

Belə ki, 2018-ci ildə seçici fəallığı 67,54%, 2012-ci ildə 65,34%, 2008-ci ildə 69,81%, 2004-cü ildə 64,38%, 2000-ci ildə 68,70%, 1996-cı ildə 69,8% və ikinci turun nəticələrinə əsasən 49% təşkil edib.