Moskvada aeroportlarda uçuşlara məhdudiyyət aradan qaldırılıb - YENİLƏNİB-1

Moskvanın Domodedovo, Vnukovo və Jukovski hava limanları normal iş rejiminə qayıdıb.

APA xəbər verir ki, bu barədə Federal Hava Nəqliyyatı Agentliyi məlumat yayıb.

Qeyd edilib ki, pilotsuz uçuş aparatlarının hücumu səbəbindən tətbiq edilən bütün məhdudiyyətlər aradan qaldırılıb.

***

saat 12.31

Moskvanın Vnukovo hava limanında Bakı istiqamətində uçan təyyyarə reysi gecikir.

Sərnişinlərin APA-nın Moskva müxbirinə verdiyi məlumata görə, yerli vaxtla saat 10:55-də uçmalı olan J2 808 reysi gecikir.

Sərnişinlər təyyarəyə miniyin başlanmadığını bildiriblər.

***

saat 12.15

Təhlükəsizliyin təmin edilməsi məqsədilə Moskva vaxtı ilə saat 09:39-dan etibarən Vnukovo, Domodedovo və Jukovski hava limanlarında məhdudiyyətlər tətbiq edilib.

APA-nın Moskva müxbirinin xəbərinə görə, bu barədə Rusiya Federal Hava Nəqliyyatı Agentliyi məlumat yayıb.

Qeyd edilib ki, mülki təyyarələrin uçuşlarının təhlükəsizliyini təmin etmək üçün martın 17-si (bazar günü) Moskva vaxtı ilə saat 09:39-dan etibarən Vnukovo, Domodedovo və Jukovski hava limanlarının fəaliyyətinə məhdudiyyətlər qoyulub.

Qeyd edək ki, bundan öncə Moskva meri Sergey Sobyanin bildirib ki, bu gün Rusiya paytaxtına dron hücumu olub. Domodedovo hava limanı rayonunda hava hücumundan müdafiə qüvvələri Moskvaya doğru uçan PUA-nı vurub.