Bayden: ABŞ Azərbaycan və Ermənistan arasında sülhə nail olunmasına davamlı sadiqliyini təsdiq edir

Amerika Birləşmiş Ştatları Azərbaycan və Ermənistan arasında möhkəm və ləyaqətli sülhə nail olunmasına davamlı sadiqliyini bir daha təsdiq edir.

APA-nın xəbərinə görə, bu, Amerika Birləşmiş Ştatlarının Prezidenti Cozef R.Baydenin Prezident İlham Əliyevə Novruz Bayramı münasibətilə təbrikində əksini tapıb.

Qeyd edilib ki, yenilənmə və düşünmə fəslini qeyd etdiyimiz bir vaxtda Amerika Birləşmiş Ştatları ölkələrimiz arasında tərəfdaşlığa və gələcək nəsillər üçün regionda təhlükəsizliyi təşviq edəcək, Azərbaycan və Ermənistan arasında möhkəm və ləyaqətli sülhə nail olunmasına davamlı sadiqliyini bir daha təsdiq edir.