Kreml Baydenin Putini təhqir etməsinə cavab verib - YENİLƏNİB

Kreml Baydenin Putini təhqir etməsinə cavab verib - YENİLƏNİB

ABŞ bu ölkənin prezidenti Co Baydenin Rusiya lideri Vladimir Putinə qarşı növbəti hücumu ilə fəxr etməməlidir.

Lent.az xəbər verir ki, bu barədə TASS-a Rusiya Federasiyası Prezidentinin mətbuat katibi Dmitri Peskov bildirib.

Bayden çıxışında Putini "quldur"adlandırmışdı. Bu çıxışın Kremldə necə qarşılanması ilə bağlı suala Peskov belə cavab verib:

"Bu cür ifadələr dövlət başçılarına yarşmır Çətin ki, Amerika belə bir şeylə fəxr etsin".

Bundan əlavə, Bayden Müqəddəs Patrik Gününə həsr olunmuş çıxışında "salonda olan hər kəsi Vladimir Putinə qarşı çıxmağa"çağırdı.

***

Saat 00:40

ABŞ Prezidenti Co Bayden yenidən Rusiya lideri Vladimir Putinin ünvanına təhqiramiz ifadələr işlədib.

Birxeber.Az xəbər verir ki, bu barədə TASS məlumat yayıb.

"Düşünürəm ki, ABŞ Konqresinin üzvlərinin böyük əksəriyyəti Ukraynaya dəstəklə bağlı öz üzərinə düşəni etməyə hazırdır Mən bu salonda olan hər kəsi Vladimir Putinə qarşı durmağa çağırıram. O, quldurdur", Bayden Müqəddəs Patrik Gününə həsr olunmuş ictimai çıxışı zamanı deyib.

Bundan əvvəl İrlandiyanın baş naziri Leo Varadkarla görüşdə ABŞ prezidenti yenidən amerikalı qanunvericiləri Kiyevə 60 milyard dollardan çox maliyyə yardımı ayrılmasını nəzərdə tutan ikipartiyalı qanun layihəsini tez bir zamanda təsdiqləməyə çağırıb.