Türkiyədə partlayış törətməkdə şübhəli bilinən 5 nəfər saxlanılıb - YENİLƏNİB

Dekabrın 16-da səhər saatlarında Türkiyənin cənub-şərqində yerləşən Diyarbakır-Mardin avtomobil yolunda bomba yüklü avtomobilin partladılmasında şübhəli bilinən 5 nəfər saxlanılıb. 

“Report” xəbər verir ki, bu barədə “TRTHaber” məlumat yayıb. 

Bildirilib ki, partlayış nəticəsində yaralananların sayı 9-a çatıb. Onlardan biri polis əməkdaşıdır. 

Cümə günü Türkiyənin cənub-şərqindəki Diyarbəkir vilayətində bomba yüklü avtomobilin partladılması nəticəsində azı 8 polis əməkdaşı yaralanıb.

"Report" xəbər verir ki, bu barədə NTV telekanalı məlumat yayıb.

Teleşirkətin məlumatına görə, polis maşını Diyarbəkir-Mardin magistral yolu ilə hərəkət edərkən uzaqdan idarə olunan qurğunun köməyi ilə yol kənarında park edilmiş avtomobildə partlayıcı qurğu işə salınıb. Hadisə yerinə əlavə təhlükəsizlik qüvvələri cəlb edilib.

Telekanal qeyd edib ki, hadisənin nəticələri araşdırılır.

TRT 1 telekanalının fövqəladə hadisə yerindən verdiyi məlumata görə, insident yerli vaxtla saat 04:30 (Bakı vaxtı ilə saat 05:30) radələrində polisin xüsusi təyinatlı dəstəsini daşıyan xidməti avtobus hərəkət etdiyi Diyarbəkirin girişində baş verib. Yaralılar yerli xəstəxanalara çatdırılıb.

Partlayış ərazisi bloklanıb, antiterror əməliyyatı aparılır.