Azərbaycan həndbol çempionatı: autsayderlər yenə məğlub olublar

Həndbol üzrə Azərbaycan çempionatlarında növbəti oyunlar keçirilib.

“Report”un məlumatına görə, qadınların və kişilərin liqasında bir oyun baş tutub.

Qadınların çempionatında XIII turun “Bakı” – “Gənclər Birliyi” görüşü oynanılıb. Rəqibinə 14:21 hesabı ilə məğlub olan autsayder “Gənclər Birliyi” ən yaxın izləyicinə yaxınlaşmaq imkanını əldən verib. Adıçəkilən komanda hələ də hesabına xal yazdırmayıb.

Kişilərin liqasında isə XIV turun oyunu keçirilib. Çempionluğa iddia edən “Azəryol” autsayder “Dinamo” üzərində 52:36 hesablı qələbə qazanıb.