BMT Sülh Universitetinin İdarəetmə Şurasının sədri: Artıq təhsil də böhran yaşayır

Hər şey təhsildən başlayır, lakin artıq təhsil də böhran yaşayır.

Birxeber.Az xəbər verir ki, bunu XI Bakı Qlobal Forumunda "İqlim ədaləti" adlı panel müzakirəsində UNESCO-nun 2009-2017-ci illər üzrə baş direktoru, Beynəlxalq Elm Şurasının hamisi, BMT Sülh Universitetinin İdarəetmə Şurasının sədri İrina Bokova deyib.

O, təhsilin əhəmiyyəti barədə danışarkən bildirib ki, dünyada 15 milyon qadın yoxsulluqdan əziyyət çəkir:

"Eyni zamanda, dünyada oxumağı, yazmağı bilməyən uşaqlar var. Biz bilirik ki, təhsil özüldür, dəyərlərin təməlində dayanır. Buna görə hesab edirəm ki, ölkələrdə elmi qovşaqlar yaradılmalıdır".