BMT-nin İnkişaf proqramı: COP29 iqlim dəyişmələri ilə bağlı addımlara ciddi töhfə verəcək

Dünya iqlim dəyişmələri ilə bağlı bir razılığa gəlməlidir.

Birxeber.Az xəbər verir ki, bunu XI Bakı Qlobal Forumu çərçivəsində keçirilən panel müzakirəsində BMT-nin İnkişaf proqramının administratoru Achim Steiner deyib.

Onun sözlərinə görə, dünya ölkələri hər 5 ildən bir öz üzərinə bununla bağlı müəyyən öhdəliklər götürür, lakin ölkələr həm də bununla bağlı milli prioritetlərini reallığa uyğunlaşdırmalıdırlar.

O bildirib ki, iqlim dəyişikləri ilə bağlı hər bir ölkə öz maliyyəsinə uyğun addımlar planı hazırlamalıdır.

"Bu il Bakıda keçiriləcək COP29 tədbiri də iqlim dəyişmələri ilə bağlı atılacaq addımlara ciddi töhfə verəcək", - Achim Steiner çıxışı zamanı qeyd edib.