Ceyhun Bayramov: Azərbaycan-Türkiyə-Gürcüstan əməkdaşlıq formatı regional və qlobal stabilliyə töhfə verir

Azərbaycan-Türkiyə-Gürcüstan üçtərəfli əməkdaşlıq formatı həm regional, həm də qlobal təhlükəsizlik və stabilliyə töhfə verir.

Birxeber.Az xəbər verir ki, bunu xarici işlər naziri Ceyhun Bayramov Azərbaycan-Türkiyə-Gürcüstan XİN başçılarının Bakıda keçirilən üçtərəfli görüş zamanı açılış nitqində deyib.

Nazir vurğulayıb ki, son illərdə beynəlxalq arenada ortaya çıxan hadisələr ölkələr arasındakı üçtərəfli formatda əməkdaşlığın önəmini artırır.

“Sonuncu üçtərəfli görüşdən sonra həm qlobal, həm də regional baxımdan çox şey dəyişib”, - Ceyhun Bayramov deyib.

Nazir dünyada gedən proseslərin regional əməkdaşlığa və sinergiyaya tələbi artırdığını qeyd edib: “Bu unikal format hər üç ölkənin qarşılıqlı maraqlara əsaslanan əməkdaşlıqdan faydalanmasına imkan yaradır”.

Səid Babazadə

Aytən Sakitqızı