Stoltenberq: "Ukrayna Rusiya donanmasına zərbə endirərkən NATO raketlərindən istifadə edib"

Ukrayna qoşunları son iki ildə Rusiyanın Qara dəniz donanmasına NATO-nun təchiz etdiyi raketlərlə zərbə endirməyə çalışıb.

APA xəbər verir ki, bunu NATO-nun Baş katibi Yens Stoltenberq deyib.

Onun sözlərinə görə, NATO ölkələrinin göndərdiyi raketlərin bir qismi Rusiya gəmilərinə hücum etmək üçün istifadə edilib və Qara dəniz donanmasının “geri çəkilməsinə" kömək edib.

Baş katib bildirib ki, bu cür tədarük Ukrayna, Qara dəniz və bütün dünya üçün vacibdir.