Kreml: Rusiya əsirlərin daşınması ilə bağlı Ukraynanı xəbərdar edib

Kiyev dərhal Belqorod vilayətində Ukrayna Silahlı Qüvvələri tərəfindən vurulan İl-76 təyyarəsində məhbusların daşınması barədə məlumat alıb.

APA-nın məlumatına görə, Rusiya prezidentinin mətbuat katibi Dmitri Peskov Ukrayna Müdafiə Nazirliyinin Kiyevin təyyarədə olanlardan xəbərsiz olması ilə bağlı bəyanatını şərh edib.

Peskov həmçinin qara qutuların tapıldığını, gövdə qalıqlarında isə dağıdıcı elementlərin izlərinin tapıldığını təsdiqləyib. Müstəntiqlər bunun hansı silah növünə aid olduğunu araşdırırlar.

Qeyd edək ki, İl-76 təyyarəsi Belqorod vilayətinin Koroçanski rayonunun Yablonovo kəndi yaxınlığında qəzaya uğrayıb.

Təyyarədə olanların hamısı həlak olub: altı ekipaj üzvü, üç onu müşayiət edən şəxs və eyni günə planlaşdırılan mübadilə üçün daşınan 65 ukraynalı əsir.