Duda: "Polşada tezliklə "Patriot"lar yerləşdiriləcək"

Polşa Prezidenti Anjey Duda Almaniyanın təklif etdiyi ABŞ-ın “Patriot” raketdən müdafiə sistemlərinin tez bir zamanda yerləşdirilməsinə ümidvardır.

"Birxeber.Az" xarici KİV-ə istinadən xəbər verir ki, o, bu barədə Almaniya Prezidenti Frank-Valter Ştaynmayerlə birgə mətbuat konfransında bildirib.

“Ümid edirəm ki, yaxın günlərdə polşalı və almaniyalı ekspert qrupları görüşəcək, “Patriot” sisteminin yerini müəyyənləşdirəcək”, - Duda deyib.

Baş nazirin müavini və müdafiə naziri Mariuş Blaşçakın ötən həftə açıqladığı kimi, Almaniya Ukraynaya "Patriot" raketdən müdafiə sistemləri verməkdən imtina edib və onların Polşada yerləşdirilməsi üçün danışıqlar aparılır.