Vinni Byanyima: Gözlənilən QİÇS pandemiyası ilə bağlı tədbirlər planı hazırlamalıyıq

Növbəti pandemiyaya hazır olmalıyıq.

APA-nın xəbərinə görə, bunu bu gün XI Bakı Qlobal Forumun rəsmi açılış mərasimində UNAIDS-in İcraçı Direktoru Vinni Byanyima bildirib.

Vinni Byanyima deyib ki, gələcək səhiyyə böhranı və iqtisadi şoklara hazır olmalıyıq:

“Biz bu hadisələrin nə vaxta olacağına deyil, hadisənin özünə hazır olmalıyıq. Gözlənilən QİÇS pandemiyası ilə bağlı tədbirlər planı hazırlamalıyıq. Öncəki pandemiyada insanların ölümünü gördük. Bu dəfə biz bu kimi halların qarşısını almağa hazırlaşmalıyıq. Əczaçılıq şirkətləri pandemiyada gəlir əldə etmək üçün çalışmamalıdır. Həll variantları elə qurulmalıdır ki, dərmanlar ölkələr arasında bərabər paylanılsın. Gənc qızlar arasında olan hamiləlik halları da artıb. Biz İİV-ə qarşı mübarizə aparmalıyıq. Digər tərəfdən, pandemiya tam aradan qalxmadığına görə ÜST həll yolları təklif edir. ÜST Baş direktoru da dedi ki, COVID pandemiyası həm də bizim üçün bir fürsət olmalıdır. Qlobal Bakı Forumunda həll variantları tapmalıyıq”.