Peskov: Putinin Türkiyəyə səfər tarixi hələ dəqiqləşməyib

Rusiya prezidenti Vladimir Putinin Türkiyəyə səfər tarixi hələ dəqiqləşməyib.

APA-nın Moskva müxbiri xəbər verir ki, bunu Kremlin mətbuat katibi Dmitri Peskov bildirib.

O, Putinin Türkiyəyə səfərinin dəqiq tarixinin olmadığını, bunun diplomatik kanallar vasitəsilə operativ şəkildə razılaşdırılacağını söyləyib.

Qeyd edək ki, Türkiyə Prezidenti Rəcəb Tayyip Ərdoğan Putinin ölkəyə bələdiyyə seçkilərindən sonra, yəni martın 31-dən sonra səfər edəcəyini söyləyib.