Xəzər rayonu və Göyçayda mühafizə rəisləri təyin edilib

Bakı şəhəri Xəzər rayon Mühafizə İdarəsinə rəis təyin edilib.

APA xəbər verir ki, bu barədə daxili işlər naziri general-polkovnik Vilayət Eyvazov müvafiq əmr imzalayıb.

Əmrə əsasən, Sabunçu rayon Polis İdarəsinin rəis müavini polis polkovniki Sədi İsmayılov Xəzər rayon Mühafizə İdarəsinin rəisi təyin edilib.

Bundan başqa, nazirin digər əmri ilə polis polkovnik-leytenantı İkram Əhmədov Göyçay Regional Mühafizə rəisi vəzifəsinə təyin olunub.