DVX-nin rəis müavini: Vergidən yayınmanın ağır cəzası olmalıdır

Vergi ödəyicilərinin könüllü vergi ödəməsi elektronlaşma hesabınadır.

APA xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında Dövlət Vergi Xidmətinin rəis müavini Samirə Musayeva deyib.

O bildirib ki, könüllülük bu gün var, vergi orqanı çəkişmə prosesinə getmir: “Hədəf könüllü əməletmənin təmin edilməsidir. Amma vergidən yayınmanın ağır cəzası mövcud olmalıdır. Bu, bütün dünyada belədir. Şəffaflaşmanın müxtəlif göstəriciləri var. Vergi yoxlamalarının sayının azalması fonunda vergi əməkdaşlarının sayı azalmır. Çünki vergi orqanlarına bir çox başqa sahələr də verilib. Əmək bazarında şəffaflaşmanın təmin edilməsi də vergi orqanlarının səlahiyyətinə verilib. Son 5 ildə vergi yoxlamaları azalıb, aktiv vergi ödəyicilərinin sayında 1,7 % artım olub”.