BMT: Somalidə təxminən 1,7 milyon uşaq qida çatışmazlığından əziyyət çəkir

BMT: Somalidə təxminən 1,7 milyon uşaq qida çatışmazlığından əziyyət çəkir

Somalidə təxminən 1,7 milyon uşaq qida çatışmazlığı ilə üzləşir, böyüklərin isə təxminən 40 %-nin təcili yardıma ehtiyacı var.

“Birxeber.Az” TASS-a istinadən xəbər verir ki, bu barədə BMT-nin Ərzaq və Kənd Təsərrüfatı Təşkilatının (FAO) direktor müavini Bet Bekdol ölkəyə səfərindən sonra bildirib.

“Somalidə yaşayan 7 milyon insandan bu il hər beş nəfərdən ikisinin təcili tibbi yardıma ehtiyacı var. 1,7 milyon uşaq isə qida çatışmazlığından əziyyət çəkir”, – o, səfərdən sonra verdiyi açıqlamada söyləyib.

Somali 2023-cü ilin noyabrında güclü daşqınlarla üzləşib. BMT-nin məlumatına görə, təbii fəlakət 1,6 milyondan çox insana zərər vermiş ola bilər. Yüz minlərlə insan evlərini tərk etmək məcburiyyətində qalıb, 1,5 milyon hektara yaxın kənd təsərrüfatı sahəsi məhv edilib. Ən qorxulu vəziyyət ölkənin cənubundakı Djubba çayı vadisində yaranıb. Vəziyyət ona görə mürəkkəbdir ki, zərər çəkmiş ərazilərin bəziləri hökumət tərəfindən deyil, “Əl-Qaidə” ilə əlaqəli “Əl-Şəbab” radikal qruplaşmasının nəzarətindədir.