Qazaxıstan Prezidenti Azərbaycanla ticarət əlaqələrinin inkişaf dinamikasını yüksək qiymətləndirib

Qazaxıstan Prezidenti Azərbaycanla ticarət əlaqələrinin inkişaf dinamikasını yüksək qiymətləndirib

Qazaxıstan Prezidenti Kasım-Jomart Tokayev Azərbaycanla ticari-iqtisadi əlaqələrin inkişaf dinamikasını müsbət qiymətləndirib.

“Birxeber.Az” Akordaya (Qazaxıstan Prezident Administrasiyası) istinadən xəbər verir ki, bunu Qazaxıstan Prezidenti Bakıda keçirilən Azərbaycan-Qazaxıstan Ali Dövlətlərarası Şurasının 1-ci iclasında deyib.

O qeyd edib ki, 2020-ci ildən Qazaxıstanla Azərbaycan arasında ticarət dövriyyəsi 5 dəfə artıb:

“Əlbəttə, bununla bağlıq rəqəmlər o qədər də təsirli görünməyə bilər. Burada görüləcək işlər var, lakin dinamikanın özü müsbət qiymətləndirilməyə bilməz. Ölkələrimizin mühüm iqtisadi potensialı var. Hesab edirəm ki, növbəti uğurlar çox da uzaqda deyil”.

Kasım-Jomart Tokayev ölkələr arasında iqtisadiyyatın bir çox sahələrində əməkdaşlığın inkişaf etdiyini də vurğulayıb:

“Əməkdaşlığın spektrı çox genişdir. Biz bu gün neft və təbii qaz sahəsi daxil olmaqla, nəqliyyat və logistikadan başlayaraq, rəqəmsallaşma məsələlərinə qədər bu barədə danışdıq. Mən məmnunam ki, biz beynəlxalq arenada uğurla işləyirik. BMT və digər beynəlxalq təşkilatlardakı nümayəndə heyətlərimiz uğurla qarşılıqlı fəaliyyət göstərir. Düşünürəm ki, bu xətt davam etdiriləcək”.