DÇ-2022: Braziliyalı futbolçular qələbəni Peleyə həsr ediblər

Braziliya millisinin futbolçuları Qətərdə keçirilən dünya çempionatının 1/8 final mərhələsində Cənubi Koreya üzərində qazandıqları 4:1 hesablı qələbəni həmyerliləri Peleyə həsr ediblər.

"Birxeber.Az"un məlumatına görə, oyunçular final fitindən sonra meydanın mərkəzində üzərində yığmanın əfsanəvi hücumçusunun fotosu və adı yazılmış banner açıblar. Onlar xəstəxanada müalicə alan veteran forvarda öz dəstəklərini nümayiş etdiriblər.

Bağırsaq xərçəngi ilə mübarizə aparan Pelenin vəziyyətinin pisləşdiyi və artıq kimyaterapiyaya cavab vermədiyi bildirilib.

Qeyd edək ki, Braziliya millisi 1/4 finalda Xorvatiya ilə qarşılaşacaq.